MUSTIKA RAMADHAN #8
HIKMAH PUASA DINA AL QURAN
Baraya Rohimakumullah!
Geus loba para pakar ngabahas hikmah jeung filosofi ibadah puasa. Aya nu ngaitkeun puasa jeung teori-teori kadokteran, sakumaha anu dipolah ku Muhammad Farid Wajdi, salah sahiji murid Shekh Muhammad Abduh. Aya ogé anu ngaitkeun jeung kapadulian social atawa rasa duduluran, seata teu kurang ogé anu ngaitkeun puasa jeung atikan kapribadian. Rupa-rupa hikmah anu disodorkeun para pakar tadi. Tinangtu miboga alesan-alesan tur logikana
Dina Al Quran, numutkeun panalungtikan Muhammad Fuad Abd al-Baqi dina kitab Al-Mu'jam al-Mufahras li Alfadz Alquran, kecap puasa (al-shaum) diulang saloba 14 kali dina rupa-rupa wujudna. Khusus ngeunaan puasa Ramadhan, bisa ditinggali kateranganana sacara ngaruntuy dina al-Baqarah ayat 183 d/k 187. Dumasar kana panalungtikanana anu jero ngeunaan ayat-ayat mengenai puasa tadi, Abdul Halim Mahmud, mantan Rektor al-Azhar, dina bukuna Asrar al-'Ibadah (Rahasia Ibadah), nyodorkeun tilu hikmah penting ibadah puasa.
Kahiji, puasa diwajibkeun subagé sarana natanan diri Muslim jadi jalma takwa (Q. S. 2: 183). Sabab tujuan utama puasa nyaéta takwa, mangka numutkeun Abdul Halim Mahmud, saban jalma anu puasa kudu mampuh ngaorganisir sakumna organ awakna jeung ngatur sakabéh aktivitasna ke lebah tujuan anu bakal dihontal téa (takwa).
Kadua, puasa diwajibkeun sebagé syukur nikmat. Allah SWT maréntahkeun puasa sabada Anjeuna ngébréhkeun yén Ramadhan anu mulya ieu nyaéta bulan anu di jerona ngandung pituduh Allah nu kacida sampurna diturunnkeun, nyaéta Al Quran (Q. S. 2: 185). Kusabab kitu, turunna wahyu ieu sawadina dipapag jeung dirayakeun'. Tapi, kariaan ieu kudu anu saluyu. Dina kaitan ieu, pangbagéa jeung ''perayaan'' ieu ngan pantes dilakukeun ku natanan diri sanghkan bisa narima pituduh ieu ku cara nu panghadéna, nyaéta puasa.
Katilu, puasa ngajadikeun urang deukeut jeung Allah SWT djeung sakumna opaménta sarta doa didangunkeun sarta dikabulkeun. Tah ieu makna firman Allah: ''Jeung lamun hamba-hamba-Kula tatanya ka anjeun ngeunaan Kula, mangka (jawab) yén Kula deukeut. Kula ngabulkeun paménta jalma anu ngadoa lamun inyana ngadoa ka Kula. (Q.S. 2.186).”
Ngimeutan sawatara hikmah anu bisa dipetik dina ayat-ayat di luhur, nyata yén puasa ngarupakeun perkara anu sawadina dilakonan. Puasa lain ngan wungkul kawajiban, tapi ngarupakeun kabutuhan. Ku kituna, sakur Muslim kudu ngabagéakeun ku kagumbiraan datangnaa Ramadhan ieu jeung ngalaksanakeun n ibadah puasa kalawan pinuh ku suka cita. Ku kituna, sakumna urang boga alesan moral keur meunangkeun pangampura Allah swt. sarta kamardikaan dina siksa.
Inshaallah!
Padukuhan Pakujajar, 9 Ramadhan 1438 H
Ki Dr. Dharmasetiawan Natapradja
Ajar Sunyapada Paguron Luhur Yayasan SKKS
PAsir Pari Nengkelan Ciwidey.
0 komentar:
Post a Comment