NGAN UKUR SAJAM!
pepeling diri
Si Ujang molohok ka bapana, bari pok nanya deui: “Bapa, naha urang bisa hirup tanpa dosa dina sataun?” Bapana mencrong deui ka nu jadi anakna bari gogodeg bari imut kanu jadi anakna, tandaning moal bisa.
”Aduh bapa, kumaha lamun sabulan, naha bisa urang hirup tanpa dosa ngan sabulan bari tanpa ngalakukeun kasalahan?” Bapana seuri, ”Sigana moal bisa, ujang …”
”Muhun atuh Bapa, ieu patarosan nu pamungkas ti Ujang, …. Naha urang bakal bisa ngalakonan hirup tanpa dosa sajam baé?” Akhirna bapana unggeuk. “Bisa jadi bisa, ujang …”. Si Ujang seuri bungah tur marahmay.
”Lamun kitu, bapa, ujang bakal hirup nu bener ti jam ka jam, …. Asa langkung gampil ngalakonanana, sarta Ujang seja ngajaga ti jam ka jam, anu akhirna bisa hirup kalawan hadé tur bener. “
Pananyaan si Ujang ieu ngandung bebeneran nu sajati. Hayu urang hirup ti mangsa ka mangsa, kalawan ngimeutan cara urang ngalakonan kahirupan ieu. Ti mimiti latihan nu pangénténgna jeung pangleutikna tur anu pangbasajanna. Tinangtu bakal ngajadikeun urang biasa jeung lamun geus biasa dilakonan tinangtu bakal jadi sifat. Tina sifat bakal robah jadi akhlak.
Hayu lakonan HIRUP SA-JAM – “TANPA”:
Tanpa KAAMBEK,
Tanpa HATÉ NU CODÉKA,
Tanpa PIKIRAN NU NEGATIP,
Tanpa NGAGOGORÉNG DEUNGEUN,
Tanpa KASARAKAHAN,
Tanpa KABOROSAN,
Tanpa KASOMBONGAN,
Tanpa NGABOHONG,
Tanpa KAPALSUAN…
Tuluy balikan deui sajam sabadana, HIRUP SA-JAM – “KALAWAN”:
Kalawan NYAAH TUR ASIH,
Kalawan DAMÉY,
Kalawan KASABARAN,
Kalawan HANDAP ASOR,
Kalawan JEMBAR MANAH,
Kalawan WENING GALIH,
Kalawan KAJUJURAN,
Kalawan KAIKHLASAN,
Jeung satuluyna…jst….jst…
Prak mimitian ti jam ieu, 1 jam nu basajan, tapi kacida harti tur mangfaatna keur ngambah lalakon 10 taun kahareup, malahan nepi ka akhir hayat!
Padukuhan Pakujajar,
Ki Ajar Sunyapada jujuluk Jagasatru 6
Yayasan Sawala Kandaga Kalang Sunda.
advertising area:
advertising area:
 |
 |
 |
0 komentar:
Post a Comment