TUJUH CICIRÉN KABAGJAAN
Baraya Rahimakumullah.
Sadaya puji kagungan Allah swt, anu parantos ngawajibkeun ka urang sadayana kana ngalakonan rupi rupi ibadah, sim kuring nyaksian saestuna teu aya deui pangéran anu hak disembah anging gusti Allah, anu ngagaduhan kautamian sareng pirang-pirang kani’matan, sareng sim kuring nyaksian kana saéstunya kanjeng Nabi Muhammad saw. hambana Allah sarenùg RasulNa anu ngagaduhan karamah anu sampurna. Shalawat miwah salam pamugi tetep linunturan ka kangjeng Nabi Muhammad saw. ka kulawarginya sareng sahabatna anu marulya.
Ibnu Abbas ra ngajéntrékeun yén aya 7 (tujuh) ciri kabagjaan di dunya nyaéta:
1). QOLBUN SYAKIRUN, atawa haté nu salawasna tasyakur atawa syukuran kana sagala anu ditarima; Hartina jalma anu salawasna narimakeun naon nu aya (qona'ah), sarta henteu boga ambisi anu kaleuleuwihi, jalma ieu moal ngalaman ‘stress’, tah ieu nikmat keur haté jalma anu salawana syukuran.
2). AL-AZWAJU SHALIHAH, nyaéta jalma anu boga pasangan hirup anu sholéh anu bakal nyiptakeun suasana imah jeung kulawarga anu sakinah, mawwadah tur warrahmah.
3). AL-AULADUL ABRAR, nyaéta jalma nu boga anak sholéh tur sholéha. Do'a anak anu sholéh ka kolotna dijamin dikabulkeun ku Alloh, numatak kacida bagjana hiji kolot anu miboga anak sholéh/sholéhah.
4). AL-BIATU SHOLIHAH, nyaéta ayana lingkungan anu tumaninah keur kaimanan urang. Rasulullah saw dumasar kana ayat Al Qur’an, nganjurkan ka urang supaya salawasna babarengan jeung jalma-jalma anu salawasna ngajak kana kahadéan jeung ngélingan lamun aya kasalahan, wattawa shaubil haq, wattawa shaubil shabr.
5). AL-MALUL HALAL, atawa harta anu halal. Lain ku lobana harta-banda nu dipiboga tapi halalna harta nu dipimilik. Harta anu halal bakal ngaanggangkeun sétan dina haté. Haté jadi beresih, suci jeung kuat anu tuluyna méré katingtriman hirup. Kacida bagjana jalma anu salawasna taliti ngajaga kahalalan harta bandana.
6). TAFAKUH FID-DIEN, atawa sumanget dina nalar jeung nyuprih perkara agama. Ku ayana diajar élmu agama, urang bakal beuki mikacinta kana agama jeung beuki luhur cintana ka Alloh jeung Rasulna. Cinta ieu anru bakal méré cahaya kana haténa.
7). UMUR ANU BAROKAH. Hartina umur anu beuki kolot beuki barokah mawa kana kasholéhan, satiap detikna nu kasorang dieusi ku amal ibadah. Beuki kolot beuki sono hayang pendak sareng Sang Khalik. Tah ieu sumanget hirup jalma-jalma anu barokah umurna. Wallohu A'lam.
Dina mayunan dinten anu badé kasorang pamuga urang tiasa nampi katujuh cicirén di luhur,
Amin.
Padukuhan Pakujajar
Ki H Dr. Natapradja
Paguron Luhur SKKS Pasir Pari Nengkelan Ciwidey .
advertising area:
advertising area:
 |
| OTAJI (Oseng Tuna Asap Jeng Intan) |
 |
| cookies character and chocolate character KEORABINTANG |
 |
| gurilap-sambal-bawang-kering |
0 komentar:
Post a Comment