Peupeujeuh keur baraya Para Wanoja
ISTERI ANU KADUA.
Tapi jauh saméméh nyanggakeun do’ana, aya hiji wanoja anu leuwih ti heula geus neneda ka Allah, dina rahimna. Wanoja ieu hésé-béléké ngakandungna jeung ngalahirkeunana, pinuh ku do’a tur pangharepan keur kasalametan si utun-injina. Wanoja ieu ikhlas nukeurkeun jiwana nalika di pangbabaran demi kahirupan utun-inji anu dibabarkeunana. Wanoja ieu ngarorokna, mikeun mangsa beurangna jeung mangsa peutingna keur ngarawat buah qolbuna. Ngatik jeung ngasuh kalawan ngorbankeun sagala nu dipibogana. Méakkeun mangsa ngorana, keur ngagedékeun anakna, kusabab sakitu badagna rasa asihna ka nju jadi anakna. Tuluy budak lalaki téh tumuwuh jadi nonoman anu sholéh tur sembada, sabada déwasa, nyatana éta nonoman téh jadi carogé anjeun.
Ari ayeuna, éta wanoja téh geus jompo. Euweuh nu dipiharep deui lian ti kaasih anu tulus ti nu jadi anakna salila hirupna ti mimiti dikakandungna tug nepi ka déwasa.
Kusabab kitu peupeujeuh ka para wanoja ulah ngarebut kaasih carogé ti nu janten ibuna. Antepkeun anjeuna ngeusian hiji tempat anu hadé dina qolbu carogé anjeun. Pasti aya deui anu hadé dina qolbu carogé anjeun keur anjeun. Rélakeun carogé ajeun ngabagi kaasih antara anjeun jeung ibuna. Sabab anjeun ngan jadi istri kadua dina kahirupan carogé anjeun!
Sok geura ngéléhan, lurkeun carogé anjeun keur ngutamikeun kabagjaan nu jadi ibuna. Pikahormat anjeuna, mulyakeun anjeuna, sakumaha urang ngahormat jeung ngamulyakeun ibu urang. Sabab anjeun ngan jadi istri kadua dina kahirupan carogé anjeun!
Prak bantuan carogé anjeun keur babakti ka ibuina. Prak bantu carogé anjeun ngajaga panto surgana.
Insyaallah anjeun bakal ngéngingkeun dua asih sakaligus. Kaasih carogé anjeun jeung kaasih ibuna. Pamuga pahala anu badag bakal dipaparinkeun ku Allah swt. ka anjeun. Lamun anjeun ikhlas, lain kaasih ti manusa wungkul, tapi kacinta Allah bakal kahontal ogé.
Aya babasan: “lamun hayang kaasih ti carogé, prak rebut haté indungna”.
Kumaha teu rék kitu? Apan hiji lalaki anu sholéh hayang boga geureuhana nu ngamulyakeun indungna. Apan manéhna ogé kacida hayangna yén indungna ngaridhokeun nu jadi minantuna. Kumaha teu rék kitu? Apan bagjana hiji lalaki téh nalika bisa ngumpulkeun cinta asih dua wanoja sakaligus dina kahirupanana, Cinta indungna jeung cinta geureuhana. Tapi kacida nalangsana hiji lalaki lamun éta dua wanita anu dipikacintana silih-pikangéwa, Indungna teu akur jeung geureuhana.
Pamuga Allah swt. ngajantenkeun anjeun wanoja anu sholéha anu bisa mikaasih ka wanoja anu dipikaasih ku carogéna.
Amin Allohuma amiin.
Padukuhan Pakujajar, wanci carangcang tihang,
Diropéa ku Ki Dharmasetiawan Natapradja ti nara
Sumber: Ummu Said
Sumber: Ummu Said
advertising area:
0 komentar:
Post a Comment